ग्रामपंचायत चास

चास गाव हा महाराष्ट्र राज्यातील पालघर जिल्हातील मोखाडा तालुक्यामध्ये आहे व इथे  चास  गावदेवी मंदिर हे गावातील श्रद्धा, परंपरा आणि सांस्कृतिक एकतेचे महत्त्वाचे केंद्र आहे. सन-२०११ च्या जनगणने नुसार या गावाची लोकसंख्या सुमारे २६०९ आहे.जिल्हा परिषद शाळा- ६ अंगणवाडी-१० व व्यायामशाळा-१  अशी सुविधा उपलब्ध आहेत .गावातील ग्रामस्थ गावदेवीला आपल्या गावाची रक्षणकर्ती व कुलस्वामिनी शक्ती मानून श्रद्धेने पूजा-अर्चा करतात.गावातील विविध धार्मिक कार्यक्रम, सण-उत्सव आणि पारंपरिक विधींमध्ये गावदेवीचे विशेष महत्त्व आहे. गावाच्या सुख-समृद्धीसाठी, आरोग्यासाठी आणि गावावर कोणतेही संकट येऊ नये यासाठी ग्रामस्थ देवीची मनोभावे प्रार्थना करतात.गावदेवी मंदिरामुळे गावातील परंपरा, श्रद्धा आणि सामाजिक एकोपा जपण्यास मदत होते. नवीन पिढीला आपल्या गावच्या धार्मिक व सांस्कृतिक परंपरेची ओळख करून देण्याचे कार्यही या मंदिराच्या माध्यमातून घडते.